Сошиал медиа маркетингийн өнөөгийн чиг хандлага болон, тулгамдаж буй асуудлуудыг судалж үр дүнг ойлгомжтойгоор дүгнэсэн дипломын ажил юм. 

Эхлэн харагдах
Удиртгал
	Судалгааны ажлын үндэслэл:
	20 – р зууны сүүл үеэс дэлхий нийтээрээ шинжлэх ухаан, техник технологийн хөгжилд маш хурдтай үсрэлт хийлээ. Энэ нь хүн төрөлхтөний соёл, зан төлөв болон хэрэглээний байдалд хүчтэй өөрчлөлтүүдийг хийсээр байна. Бид энэхүү өөрчлөлтийн эрин үед өөрчлөлт бүрийг илүү бүтээлчээр харж хөл нийлүүлэн алхах маш чухал сорилттой тулгараад байгаа юм. Компаниуд хэрэглэгчид илүү харилцан үйлчлэлд орж, оролцоогоо нэмэгдүүлэх сонирхолтой байгааг хүлээн зөвшөөрч тэдэн рүү хашгирч саад болох биш тэднийг сонсож харилцан холбоотой байх нь зах зээлд үлдэх цорын ганц арга зам болоод байгааг ойлгож эхэлж байна. Иймээс энэхүү дипломын ажилдаа сошиал медиа маркетингийн гол аппликейшнууд болох фэйсбүүк, твиттер, линкединий хэрэглээний өнөөгийн байдыг судалж маркетингийн үйл ажиллагаанд ашиглах боломжийг илрүүлэх явдал юм. 
Дипломын ажлын зорилго: Сошиал маркетингийн өнөөгийн байдал, цаашдын чиг хандлагад нөлөөлж буй хүчин зүйлсийг судалж цаашдын чиг хандлагыг тодорхойлж тулгамдаж буй зарим асуудлуудыг олж илрүүлэхэд оршино. 
	Дипломын ажлын зорилтууд: 	
•	Маркетингийн идэвхжүүлэлтийн онол арга зүйг судлах
•	Зар сурталчилгааны онол арга зүйг судлах
•	Сошиал маркетингийн онол арга зүйг судлах
•	Сошиал маркетингийн өнөөгийн байдал, цаашдын чиг хандлага, нөлөөлж буй хүчин зүйлсийг шинжлэх
•	Сошиал маркетингийн үйл ажиллагаанд тулгамдаж буй асуудлуудыг шинжлэх
Дипломын ажлын ач холбогдол: 
Энэхүү судалгааны ажлын ач холбогдол нь сошиал маркетингийн өснө нэмэгдэж байгаа энэхүү өсөлтийг анзааралгүй өнгөрөөж болохгүй. Учир нь зарим зүйлийг бид огт анзаарч амжаагүй байхад өөрлөгдсөөр өндөр түвшинд хүрч эмх замбараагүй хэрэглээ бий болж байна. Энэхүү эмх замбараагүй хэрэглээнээс хэрэглэгчидийг төөрөгдүүлэх, сошиал медиагаар өрсөлдөөнд давуу тал олж авахын тулд хууль зөрчих асуудлууд гарсаар байна. Үүнийг бага гэлтгүй арга хэмжээ авч, хариуцлагатай байх шаардлага бидний өмнө тулгараад байгаа юм. Энэхүү асуудлуудыг илрүүлэхийн тулд интернетийн хэрэглээнд нөлөөлж буй хүчин зүйлүүдийн өнөөгийн байдал болон цаашдын чиг хандлагыг судалснаар хамгийн олон хэрэглэгчидтэй цахим сүлжээг тодорхойлж тэдэнд хүрч буй мэдээлэл хэрхэн бодитой байгаа эсэхийг тодорхойлоход чиглэнэ.